AUTOEKOIZLEEN ORDEZKARITZA
Energia berriztagarrien iturrietatik, kogeneraziotik eta hondakinetatik lortutako energia elektrikoaren ekoizleak.
Azken baliabideko ordezkaritza
2009. urtean elektrizitatearen sektorean izandako araudi-aldaketaren ondorioz, erregimen bereziko energia elektrikoa ekoizteko instalazioetako hobariak, pizgarriak eta osagarriak ordezkatzeko eta likidatzeko prozedura aldatu zen, eta izen hau hartu zuen: Energia berriztagarrietatik, kogeneraziotik eta hondakinetatik lortutako energia elektrikoaren ekoizpena.
Araudi hori aplikatuz, 2009ko azaroan, Curenergía Comercializador de Último Recurso, S.A.U. beste agente batek ordezkatzea nahi dutela jakinarazi ez duten instalazioen ordezkaria da CNMCren, merkatuko operadorearen (OMEL) eta sistemako operadorearen (REE) aurrean.
Bezeroenganako arreta hobetzeko konpromisoaren barruan, Curenergía Comercializador de Último Recurso, S.A.U.k (aurrerantzean, Curenergía) hainbat komunikazio-kanal jarriko ditu zure esku. Horien bitartez, kudeatzaile adituen talde batek erantzungo dizkie egiten dituzun kontsulta, argibide eta informazio osagarriaren eskaerei.
Energia berriztagarrietatik, kogeneraziotik eta hondakinetatik lortutako energia elektrikoaren Ekoizleen edo Autoekoizleen Bulego Birtuala Curenergíaek eskaintzen duen aplikazio bat da, energia berriztagarrietatik, kogeneraziotik eta hondakinetatik lortutako energia elektrikoa ekoizten duten instalazioentzat sortua, betiere Curenergíaek ordezkatzen baditu edo ordezkatu izan baditu, jarduera horren azken baliabideko ordezkari gisa.
Ordezkatutako titularrek, Autoekoizleen Bulego Birtualetik, titular diren planta eta instalazioetako ekoizpeneko erregistroei eta datuei buruzko eragiketa eta kontsulta ohikoenak egin ditzakete; zehazki, honako hauek:
- Ekoizpen/programen aurreikuspenak bidali eta kontsultatu (Potentzia Instalazioak P ? 1MW)
- Instalazioaren egiturazko datuak eta posta-helbidea kontsultatu.
- Instalazioaren urteko datuen ekarpenarekin IV. eranskina egin.
- Indarrean dagoen araudiaren eta laguntzen dokumentazioa kontsultatu.
- Likidazio-aldi bakoitzaren araberako neurrien laburpenak eta, hala badagokio, karga-kurbak kontsultatu, likidazio bakoitza baino lehen.
- CNMCk argitaratutako datatik aurrera fakturak kontsultatu (jarduera hasi zenetik eta/edo 2009ko azarotik aurrera).
- Ordezkaritza-aldirako indarrean dauden datuak kontsultatu eta eskuratu.
Sartu Autoekoizleen Bulego Birtualean eta kudeatu zure plantak eta instalazioak eroso eta erraz.
Aplikazio horri ahalik eta etekin handiena atera diezaiozun, Energia berriztagarrietatik, kogeneraziotik eta hondakinetatik lortutako energia elektrikoaren Autoekoizleen Bulego Birtualaren askuliburua (PDF) jarri dugu zurre esku.
OHIKO GALDERAK
4/2009 Zirkularrak Energia berriztagarrietatik, kogeneraziotik eta hondakinetatik lortutako energia elektrikoaren ekoizleentzako likidaziorako eredu ekonomiko berria ezartzen du, bai eta tartean dauden agenteentzako aplikazio-prozedurak ere.
Likidazio-sistema berria 2009ko azaroaren 1etik aplikatzen da. Orduz geroztik, CNEk (gaur egun, CNMC) egiten du likidazioa, eta instalazio bakoitzaren ordezkarien bitartez ordaintzen da.
Jardueraren baldintza ekonomikoak eta prozedura ekainaren 6ko 413/2014 Errege Dekretuak eguneratu ditu.
Likidazio-prozesuan, agente hauek parte hartzen dute:
- Agente ordezkaria.
- Enpresa banatzailea.
- REE (Sistemaren operadorea).
- OMEL (Merkatuko operadorea).
- CNMC (Merkatuen eta Lehiakortasunaren Batzorde Nazionala).
Ordezkaritzat jotzen dira merkatuaren subjektu baten kontura jarduten dutenak, izan subjektu horren izenean (ordezkaritza zuzena), izan bere izenean (zeharkako ordezkaritza).
Energia elektrikoa ekoizteko eguneroko eta egun barruko merkatuan, ordezkaritza komunarekin batera, bereziki gaitutako subjektu ordezkari bat dago, energia berriztagarrietatik, kogeneraziotik eta hondakinetatik lortutako energia elektrikoaren ekoizle diren instalazioak ordezkatzeko. Ordezkari gaitu horri agente saltzaile esaten zaio, eta, ordezkaritzako eginkizun arruntez gain, martxoaren 12ko 436/2004 Errege Dekretuaren 28. artikuluan aitortutako eskumenak ere baliatzen ditu.
Ordezkariak baimendutako merkatuko agente bat izan behar du, eta ekoizpen-merkatura eramaten du instalazioetako energia, instalazio horien ekoizpen-aurreikuspenak integratzen ditu eta bere likidazioa kudeatzen du OMELen eguneroko merkatuan.
CNMCri, hilabeteko 10. eguna baino lehen (h+1), sistemaren operadoreak jasotako "Baldita"-ren informazioa bidaltzeaz arduratzen da, instalazio edo CIL bakoitzaren arabera banakatuta, h, h-3 eta h-11 ekoizpen-hilabeteetarako.
Horrez gain, REE eta CNMCtik jasotako zenbatekoak ordezkatzen dituen energia-ekoizleei ordaintzen die, hala badagokio desbideratzeengatik kenkariak sartuta.
Enpresa banatzailea da prozesuaren eragilea, 3 eta 5 motako neurketa-ekipoak irakurtzeaz arduratzen baita. H+1 hilabeteko 8. eguna baino lehen bidali behar du instalazio bakoitzeko energiaren aktibo garbiaren eta erreaktiboaren ("CIL" kodea) ordu-neurketa (benetakoa edo balioetsia). Informazio horretan oinarrituta, CNEk kalkulatuko ditu hobari baliokidea eta erreaktiboagatiko osagarria.
1 eta 2 motako ekipoak irakurtzeaz gain, ordezkariari eta CNEri jasotako h, h-3 eta h-11 ekoizpen-hilabeteetako "Baldita" bidaltzean dio, h+1 hilabeteko 8. eguna baino lehen, agente ordezkari bakoitzaren arabera banakatuta.
Eguneroko merkatuan ordezkariengandik jasotako ekoizpen-eskaintzak uztartzeaz arduratzen da.
Likidazio-prozesuan parte hartzen duten agenteek emandako datuetan oinarrituta, CNEk kalkulatzen du erregimen bereziko instalazioetako energia erreaktiboagatiko osagarria eta hobari baliokidea.
Ordezkariei hobarien, pizgarrien eta osagarrien zenbatekoa ordaintzeaz ere arduratzen da.
"H" hilabetean ekoitzitako energiaren likidazioen itxiera "H+1" hilabeteko 28. egunean egiten da, eta epe aldakor batzuk daude likidazioa onartzeko eta eratzeko; hortaz, ordainketak, ziur asko, "H+2" hilabeteko bigarren hamarkadan egiten dira (10. eta 20. egunaren artean). Nolanahi ere, data hori atzeratzen bada, ordainketa egiteko gehieneko epea ez da H hilabetea itxi eta hogeita hamaika egun natural baino handiagoa izango, eta "H+1" hilabetean egingo da, 4/2009 Zirkularrean CNEk (gaur egun, CNMC) hartutako konpromisoaren arabera.
Hilabetean (H+1) eginiko likidazioa aurreko hilabeteko (H) ekoizpenari dagokio. Behin-behineko likidazio esaten zaie, instalazio guztiek ez dituztelako benetako irakurketa-sistemak dituzten ekipoak, eta, kasu horietan, likidazioa balioespenetan oinarrituta egin eta berrikusi egin behar delako (hilabete horretako bertako ondorengo likidazioetan).
Ekoizpen-alditik (H) hiru hilabete geroago, CNMCk bigarren likidazioa egingo du, Tarteko Behin-behineko Likidazioa (H+3), eta ekoizpen-alditik (H) 11 hilabete geroago, berriz, Behin-behineko Amaierako Lehen Likidazioa egiten da (H+11).
Hurrengo likidazioek behin-behineko likidazioetan likidatutako diru-sarreren zenbatekoa aldatu ahal izango dute, benetako ekoizpenaren aldaketen arabera horietako bakoitzean eginiko balioespenarekin alderatuta.
Iberdrolak agente ordezkari gisa zer abantaila eskaintzen dituen jakiteko, gurekin jar zaitezke harremanetan telefonoz (900 121 324) edo posta elektronikoz autoproductores@curenergía.es.